စကြဝဠာစေတီတော်ရှိ ရန်သူ

ရှေးခေတ်မှစ၍ စေတီပုထိုးများ (သက္ကတ : स्तूप, = ‘အပုံ’) သည် ဗုဒ္ဓဘာသာ ထုံးတမ်းစဉ်လာနှင့် ဘုရားဝတ်ပြုခြင်းဆိုင်ရာ ကျင့်စဉ်များတွင် ထင်ရှားသော အခန်းကဏ္ဍမှပါဝင်ခဲ့သည်။ လုံးဝန်းသော မြေသားခြမ်းများ (သို့) အမိုးခုံးများဖြစ်သည့် စေတီပုထိုးများတွင် ကြည်ညိုလေးစားသော ရဟန်းသံဃာတော်များနှင့် သီလရှင်များ၏ အရိုးများကဲ့သို့သော အမွေအနှစ်များ ပါဝင်သည်။ ဘုရားဖူးများ သွားလာ၍ တရားထိုင်နိုင်စေရန် အမိုးခုံး ပတ်ပတ်လည် နင်းထားသော လမ်းလည်းပါရှိသည်။ အာရှတစ်ခွင်သို့ ဗုဒ္ဓဘာသာပြန့်ပွားလာသောအခါ မူလစေတီတော်တည်ဆောက်ပုံကို တိဗက်၊ အရှေ့အာရှရှိ ဘုရားများနှင့်အရှေ့တောင်အာရှရှိ စေတီပုထိုးများအဖြစ်သို့ ပြောင်းလဲခဲ့သည်။ အသွင်သဏ္ဍာန်ပြောင်းလဲလာသော်လည်း အခြေခံအခင်းအကျင်းတွင် မြေသားအမိုးခုံး၊ စတုရန်းအုတ်ခုံ၊ ဗဟိုထိပ်ဖျားနှင့် စေတီတော်ကို ဖူးမြော်သူများအတွက် အထက်ဖော်ပြပါ ပတ်လမ်းတို့ ပါဝင်သည်။

ဤအခြေခံဖွဲ့စည်းပုံသည် သမ္မာကျမ်းစာ၏ ဖန်ဆင်းခြင်းမှတ်တမ်းတွင်ဖော်ပြထားသော စကြဝဠာ၏ပုံစံကို ထင်ဟပ်စေသည်။ ဖန်ဆင်းရှင်ဘုရားသခင်သည် လူသားများကို ‘ဘုရားသခင်၏ပုံသဏ္ဍာန်နှင့်အညီ’ ဖန်ဆင်းပုံကို မှတ်တမ်းတင်ထားသည်ကို ကျွန်ုပ်တို့တွေ့မြင်ခဲ့ရသည်။ ဤသည်မှာ ကျွန်ုပ်တို့အားလုံး၏ မွေးရာပါအနုပညာ၊ ကိုယ်ကျင့်တရားနှင့် ဆက်နွှယ်မှုသဘောသဘာဝကို ပိုင်ဆိုင်ရခြင်းအကြောင်း ရှင်းပြသည်။ ထို့နောက် မှတ်တမ်းတွင် ကမ္ဘာမြေကြီးအား အလယ်ဗဟိုအမိုးခုံးကဲ့သို့ ဘုရားသခင်က စေတီပုထိုးပုံသဏ္ဍာန်အဖြစ် မည်သို့စီစဉ်ထားကြောင်း ဖော်ပြသည်။ 

စေတီပုထိုးများတွင် ကွယ်လွန်သွားသော ရဟန်းတော်များ၏ အရိုးများနှင့် အရိုးပြာများ ပါဝင်သော်လည်း၊

^၇ ထို​နောက်၊ ထာ​ဝ​ရ​အ​ရှင်​ဘု​ရား​သ​ခင်​သည် မြေ​မှုန့်​ဖြင့် လူ​ကို​ဖန်​ဆင်း​၍၊ သူ၏​နှာ​ခေါင်း​ထဲ​သို့ ဇီ​ဝ​အ​သက်​ကို​မှုတ်​တော်​မူ​လျှင်၊ လူ​သည် အ​သက်​ရှင်​သော သ​တ္တ​ဝါ​ဖြစ်​လေ​၏။

ကမ္ဘာဦး ၂:၇

ပထမလူသား၏ အရိုးများသည် ဘုရားသခင်၏ ပုံသဏ္ဌာန်တော် သို့အသက်ဝင်လာသည်။ 

သန့်ရှင်းသော စကြာဝဠာ

စေတီပုထိုးများသည် ကြည်ညိုစရာနေရာများဖြစ်သည်။ စကြဝဠာကြီးသည် ၎င်း၏ ကနဦးဖန်တီးမှုတွင် လုံးဝသန့်ရှင်းခဲ့သည်။ အမှန်မှာ၊ ဟေဗြဲကျမ်းစာက ဤသို့ဆိုသည်–

^၃၁ ဘု​ရား​သ​ခင်​သည် မိ​မိ​ဖန်​ဆင်း​သ​မျှ​သော​အ​ရာ​တို့​ကို​ကြည့်​ရှု​လျှင်၊ အ​လွန်​ကောင်း​သည်​ကို မြင်​တော်​မူ​၍၊ ည​ဉ့်ဦး​နှင့် နံ​နက်​သည် ဆ​ဋ္ဌ​မ​နေ့​ရက်​ဖြစ်​လေ​၏။ 

ကမ္ဘာဦး ၁:၃၁

ဝိညာဉ်ကမ္ဘာ …

ဘုရားသခင်သည် ဤကောင်းကင်တမန်ဝိညာဉ်များစွာကို ဖန်ဆင်းခဲ့သည်။ ဤဝိညာဉ်များကို တစေ့တစောင်းလက်ခံရရှိသူတစ်ဦးက ၎င်းတို့၏အရေအတွက်ကို အောက်ပါအတိုင်း ဖော်ပြခဲ့သည်။

^၁၁ ထို​အ​ခါ ငါ​ကြည့်၍ ပ​လ္လင်​တော်​မှ​စ​သော သ​တ္တ​ဝါ​တို့​နှင့် အ​သက်​ကြီး​သူ​တို့၏ ပတ်​ဝန်း​ကျင်၌ ကု​ဋေ​သင်္ချေ​မ​က အ​တိုင်း​မ​သိ များ​စွာ​သော ကောင်း​ကင်​တ​မန်​တို့၏ အ​သံ​ကို ငါ​ကြား၏။

ဗျာဒိတ် ၅:၁၁

… ကောင်းကင်တမန်ကြီးနှင့်အတူ

ဘုရားသခင်သည် သူတို့၏တန်ခိုးဖြင့် ဖန်ဆင်းထားသောကမ္ဘာတွင် အစေခံရန် ကောင်းကင်တမန်ဝိညာဉ်များကို ဖန်ဆင်းခဲ့သည်။ ဘုရားသခင်သည် အထူးသဖြင့်ထက်မြက်ပြီး စွမ်းအားကြီးမားသော ဝိညာဉ်တော် ကောင်းကင်တမန်များစွာကို ကြီးကြပ်ရန် ဖန်ဆင်းတော်မူ၏။ သူ့ဆီကနေ ထွန်းလင်းလာသော အလင်းရောင်ကြောင့် သူ့ကို ‘The Shining One’ (သို့) Lucifer ဟုခေါ်သည်။ ဒေဝဂတိ၌ မြတ်သောနတ်ကြီးဟု သင်ထင်မြင်နိုင်၏။ သမ္မာကျမ်းစာက ဤကောင်းကင်တမန်ခေါင်းဆောင်၏ အဖြစ်အပျက်ကို ဖော်ပြသည်-