ဂုရု (गुरु) သည် မူရင်း Sanskrit စကားလုံး တွင် ‘ ဂူ ‘ (အမှောင်) နှင့် ‘ ရူ ‘ (အလင်း) မှ ဆင်းသက် လာ သည် ။ ဂုရုတစ်ဦးသည် စစ်မှန်သောအသိပညာအလင်းဖြင့် မသိခြင်း၏အမှောင်ထုကို ဖယ်ရှားပေးရန် သင်ပေးသည်။ ယင်းကဲ့သို့ ဆင်တူသော သင်ကြားမှုကို ဂါလိလဲကမ်းခြေမှ ယေရှုဟောပြောခဲ့ရာ နှစ်ပေါင်း ၁၉၀၀ ကြာပြီးနောက်တွင် အိန္ဒိယနိုင်ငံ၌ မဟတ်မာဂန္ဒီပေါ်ပေါက်လာခဲ့သည်။ ဂန္ဒီအပေါ်တွင် ယေရှု၏ သင်ကြားချက်များသည် သက်ရောက်မှုများစွာရှိသည်။

ဂန္ဒီနှင့် ယေရှု၏တောင်ပေါ်တရားတော်

ယေရှုမွေးဖွားပြီး နှစ်ပေါင်း ၁၉၀၀ အကြာတွင် အင်္ဂလန်နိုင်ငံတွင် ယခု မဟတ်မာ ဂန္ဒီ (သို့မဟုတ် မိုဟန်းဒတ်စ် ကာရမ်ချန် ဂန္ဒီ) ဟုလူသိများသော အိန္ဒိယနိုင်ငံမှ ဥပဒေကျောင်းသားငယ်တစ်ဦးသည် သမ္မာကျမ်းစာအုပ် လက်ဆောင်ပေးခြင်းခံခဲ့ရသည်။။ တောင်ပေါ်တရားတော်လို့ လူသိများတဲ့ ယေရှုရဲ့သွန်သင်ချက်တွေကို ဖတ်ပြီးတဲ့အခါ ဂန္ဒီက ယခုကဲ့သို့ ပြန်လည် ပြောကြားခဲ့သည်။

“ငါ့နှလုံးကို ဖြောင့်စေသော တောင်ပေါ်တရားတော်”MK Gandhi၊ ကိုယ်တိုင်ရေးအတ္ထုပ္ပတ္တိ သို့မဟုတ် အမှန်တရားနှင့် ကျွန်ုပ်၏စမ်းသပ်မှုများ၏ ဇာတ်လမ်း။ ၁၉၂၇ p.၆၃

‘ပါးတစ်ဖက်ကိုလှည့်၍ အရိုက်ခံခြင်း’ နှင့်ပတ်သက်သော ယေရှု၏သွန်သင်ချက်က အနာတရမဖြစ်ခြင်းနှင့် မသတ်ခြင်းဟူသော ရှေးခေတ်ဟိန္ဒူအယူအဆတခုကို ဂန္ဒီအား အမှတ်ရ ထိုးထွင်းသိမြင်စေခဲ့သည်။ နောက်ပိုင်းတွင် ဂန္ဒီသည် ဗြိတိသျှအုပ်စိုးရှင်များကို အကြမ်းမဖက် အာဏာဆန့်ကျင်ခြင်းကို အသုံးပြုသည့် စတီယာဂရာဟာ အမည်တွင်သော ဤသွန်သင်ချက် အခြေခံသည့် နိုင်ငံရေးစွမ်းအားဖြင့် တွန်းလှန်ခဲ့သည်။ ဆယ်စုနှစ်ပေါင်းများစွာကြားပြီးနောက် စတီယာဂရာ ကြောင့် အိန္ဒိယသည် ဂရိတ် ဗြိတိန်မှ လွတ်လပ်ရေးကို ငြိမ်းချမ်းစွာ ရရှိခဲ့သည်။ ယေရှု၏သွန်သင်ချက်က ယင်းနိုင်ငံရေး ဖြစ်စဥ်အားလုံးကို အစပျိုးပေးခဲ့သည်။

ယေရှု၏ ထိုသင်ကြားချက် အသေးစိတ်ကို တချက်ကြည့်ကြည့်ရအောင်။

ယေရှု၏တောင်ပေါ်တရားတော်

ယေရှုသည် မာရ်နတ်၏ လှည့်ဖျားမှုကို ကျော်ဖြတ်ပြီးနောက် ဤတရားတော်ကို စတင်သွန်သင်ခဲ့သည်။ ခရစ်ဝင်ကျမ်းများတွင် မှတ်တမ်းတင်ထားသော ကိုယ်တော်၏အရှည်ဆုံးသတင်းစကားကို တောင်ပေါ်တရားတော်ဟုခေါ်သည်။ ယခုဆောင်းပါးတွင် တရားတော်မှ အရေးပါသော အပိုဒ်များကို ဖော်ပြထားပြီး တရားတော်အပြည့်အစုံကို ဒီမှာ ဖတ်လို့ရပါတယ်။ ယခုဆောင်းပါးတွင် ယေရှု၏ တရားတော်ကို မောရှေး ပြောကြားခဲ့သည်များနှင့်ပါဆက်စပ်ပြီး သုံးသပ်သွားပါဦးမယ်။

ယေရှုက အောက်ပါ အချက်တွေကို သွန်သင်ပေးခဲ့သည်-

‘ ‘လူမသတ်ရ။ မည်သူမဆို လူသတ်လျှင် အပြစ်စီရင်ခြင်းကိုခံထိုက်ပေ၏’ဟု ရှေးလူတို့အားပြောထားသည်ကို သင်တို့ကြားခဲ့ရ၏။ သို့သော် သင်တို့အား ငါဆိုသည်ကား မိမိညီအစ်ကိုအပေါ် အမျက်ထွက်သောသူတိုင်းသည် အပြစ်စီရင်ခြင်းကိုခံထိုက်၏။ မိမိညီအစ်ကိုအား ‘အလကားလူ’ဟု ပြောသောသူသည် တရားလွှတ်တော်လက်သို့ အပ်နှံခြင်းခံထိုက်၍ ‘လူမိုက်’ဟု ပြောသောသူသည် ငရဲမီးဒဏ်ကိုခံထိုက်၏။ ထို့ကြောင့် ယဇ်ပလ္လင်၌ သင်၏ပူဇော်သက္ကာကိုဆက်သမည်ပြုစဉ် သင်၏ညီအစ်ကိုသည် သင့်အား အပြစ်တင်စရာတစ်စုံတစ်ခုရှိကြောင်း သင်သတိရလျှင် သင်၏ပူဇော်သက္ကာကို ယဇ်ပလ္လင်ရှေ့တွင်ထားခဲ့ပြီး သင်၏ညီအစ်ကိုထံသို့ ဦးစွာသွား၍ သူနှင့်ပြန်လည်သင့်မြတ်အောင်ပြုလော့။ ထို့နောက်မှ ပြန်လာ၍ သင်၏ပူဇော်သက္ကာကို ဆက်သလော့။ သင်သည် သင့်ကိုတရားစွဲဆိုသူနှင့်အတူလမ်း၌ရှိစဉ် သူနှင့်သင့်မြတ်အောင် အလျင်အမြန်ပြုလော့။ သို့မဟုတ်ပါက ထိုတရားစွဲဆိုသူသည် သင့်ကို တရားသူကြီးထံအပ်၍ တရားသူကြီးသည် အစောင့်တပ်သားထံအပ်သဖြင့် သင်သည် ထောင်ထဲ၌ ထည့်ထားခြင်းခံရလိမ့်မည်။ သင့်အား ငါအမှန်ဆိုမည်။ နောက်ဆုံးကွတ်ရန်တေးတစ်ပြားကို သင်ပြန်၍မဆပ်မချင်း ထိုနေရာမှ လုံးဝထွက်ရမည်မဟုတ်။ ‘

ရှင်မဿဲခရစ်ဝင် 5:21-26

လိင်ဖေါက်ပြာခြင်

‘ ‘အိမ်ထောင်ရေးဖောက်ပြန်မှုကို မကျူးလွန်ရ’ ဟု ပြောထားသည်ကို သင်တို့ကြားရ၏။ သို့သော် သင်တို့အား ငါဆိုသည်ကား အမျိုးသမီးတစ်ယောက်ကို ကိလေသာစိတ်နှင့်ကြည့်သောသူတိုင်းသည် သူ၏စိတ်နှလုံးထဲ၌ ထိုအမျိုးသမီးနှင့်ပြစ်မှားလေပြီ။ သင်၏လက်ယာမျက်စိသည် သင့်ကိုမှားယွင်းစေလျှင် ၎င်းကိုထုတ်၍လွှင့်ပစ်လော့။ အကြောင်းမူကား သင်၏ကိုယ်အင်္ဂါတစ်ခုဆုံးရှုံးသွားသော်လည်း သင်၏ကိုယ်ခန္ဓာတစ်ခုလုံး ငရဲထဲသို့ပစ်ချခြင်းမခံရပါက သင့်အတွက် သာ၍ကောင်း၏။ သင်၏လက်ယာလက်သည် သင့်ကိုမှားယွင်းစေလျှင် ၎င်းကိုဖြတ်၍ လွှင့်ပစ်လော့။ အကြောင်းမူကား သင်၏ကိုယ်အင်္ဂါတစ်ခုဆုံးရှုံးသွားသော်လည်း သင်၏ကိုယ်ခန္ဓာတစ်ခုလုံး ငရဲသို့မလားရပါက သင့်အတွက် သာ၍ကောင်း၏။’

ရှင်မဿဲခရစ်ဝင် 5:27-30

လင်မယာကွာခြင်း

‘ ‘မိမိမယားကိုကွာရှင်းသောသူသည် ထိုမယားအား ဖြတ်စာကိုပေးစေ’ ဟုလည်း ပြောထား၏။ သို့သော် သင်တို့အား ငါဆိုသည်ကား တရားနှင့်မညီမေထုန်ပြုခြင်းအကြောင်းမှလွဲ၍ မိမိမယားကိုကွာရှင်းသောသူတိုင်းသည် ထိုမယားအား အိမ်ထောင်ရေးဖောက်ပြန်မှုကို ကျူးလွန်စေ၏။ ကွာရှင်းထားသောမိန်းမနှင့် ထိမ်းမြားစုံဖက်သောသူသည်လည်း အိမ်ထောင်ရေးဖောက်ပြန်မှုကို ကျူးလွန်၏။’

ရှင်မဿဲခရစ်ဝင် 5:31-32

သစ္စကျိန်ခြင်း

‘ တစ်ဖန် ‘မမှန်မကန်တိုင်တည်ပြောဆိုခြင်းမပြုဘဲ သင်ပြုထားသောကတိသစ္စာများကို ထာဝရဘုရားရှေ့တော်၌ စောင့်ထိန်းရမည်’ ဟု ရှေးလူတို့အားပြောထားသည်ကို သင်တို့ကြားရ၏။ သို့သော် သင်တို့အား ငါဆိုမည်။ တိုင်တည်ပြောဆိုခြင်းကို လုံးဝမပြုရ။ ကောင်းကင်ကိုတိုင်တည်၍မပြောဆိုရ။ အကြောင်းမူကား ၎င်းသည် ဘုရားသခင်၏ပလ္လင်တော်ဖြစ်၏။ မြေကြီးကိုတိုင်တည်၍မပြောဆိုရ။ အကြောင်းမူကား ၎င်းသည် ကိုယ်တော်၏ခြေတင်ခုံဖြစ်၏။ ဂျေရုဆလင်မြို့ကိုတိုင်တည်၍မပြောဆိုရ။ အကြောင်းမူကား ၎င်းသည် ကြီးမြတ်သောဘုရင်၏မြို့တော်ဖြစ်၏။ သင်၏ဦးခေါင်းကို တိုင်တည်၍မပြောဆိုရ။ အကြောင်းမူကား သင်သည် ဆံပင်တစ်ပင်ကိုမျှ ဖြူအောင်၊ သို့မဟုတ် မည်းအောင်မလုပ်နိုင်။ သို့ဖြစ်၍ သင်တို့သည် ဟုတ်သည်ကို ‘ဟုတ်ပါ၏’ မဟုတ်သည်ကို ‘မဟုတ်ပါ’ဟူ၍သာ ပြောဆိုကြလော့။ ၎င်းတို့ထက် ပိုသောစကားသည် မကောင်းသောအရာနှင့်စပ်ဆိုင်၏။ ‘

ရှင်မဿဲခရစ်ဝင် 5:33-37

မျက်စိအစား မျက်စိ

‘ ‘မျက်စိအစား မျက်စိ၊ သွားအစား သွား’ ဟု ပြောထားသည်ကို သင်တို့ကြားရ၏။ သို့သော် သင်တို့အား ငါဆိုမည်။ မကောင်းသောသူကို အတိုက်အခံမပြုကြနှင့်။ သင်၏ယာဘက်ပါးကိုရိုက်သောသူအား နောက်တစ်ဖက်ကိုလည်း လှည့်ပေးဦးလော့။ သင့်ကိုတရားစွဲ၍ သင်၏အင်္ကျီကို ယူလိုသောသူအား ဝတ်ရုံကိုလည်း ယူခွင့်ပေးလော့။ သင့်ကို ခရီးတစ်မိုင်အတင်းအကျပ်သွားစေသောသူရှိလျှင် ထိုသူနှင့်အတူ နှစ်မိုင်သွားလော့။ သင့်ထံတောင်းသောသူအား ပေးကမ်းလော့။ သင့်ထံမှ ချေးငှားလိုသောသူကိုလည်း မငြင်းပယ်နှင့်။’

ရှင်မဿဲခရစ်ဝင် 5:38-42

ရန်သူများအတွက် ချစ်ခြင်းမေတ္တာ

‘ ‘သင့်ဝန်းကျင်၌ရှိသောသူကိုချစ်၍ သင်၏ရန်သူကို မုန်းရမည်’ ဟု ဆိုထားသည်ကို သင်တို့ကြားရ၏။ သို့သော် သင်တို့အား ငါဆိုမည်။ သင်တို့၏ရန်သူများကိုချစ်၍ သင်တို့ကိုညှဉ်းဆဲသောသူတို့အတွက် ဆုတောင်းပေးကြလော့။ သို့မှသာ သင်တို့သည် ကောင်းကင်ဘုံ၌ရှိတော်မူသော သင်တို့အဖ၏သားများဖြစ်ကြလိမ့်မည်။ အကြောင်းမူကား ကိုယ်တော်သည် မကောင်းသောသူများနှင့်ကောင်းသောသူများအပေါ် မိမိ၏နေကိုထွက်စေတော်မူ၍ ဖြောင့်မတ်သောသူများနှင့်မဖြောင့်မတ်သောသူများအပေါ် မိုးရွာစေတော်မူ၏။ သင်တို့သည် သင်တို့ကိုချစ်သောသူတို့အားချစ်လျှင် သင်တို့၌ မည်သည့်အကျိုးကျေးဇူးရှိသနည်း။ အခွန်ကောက်ခံသူတို့ပင်လျှင် ထိုနည်းတူပြုကြသည်မဟုတ်လော။ ထို့ပြင် သင်တို့သည် သင်တို့၏ညီအစ်ကိုများကိုသာ နှုတ်ဆက်လျှင် မည်သည့်သာလွန်ထူးခြားမှုကို ပြုကြသနည်း။ သာသနာပလူမျိုးခြားတို့ပင်လျှင် ထိုသို့ပြုကြသည်မဟုတ်လော။ သို့ဖြစ်၍ ကောင်းကင်ဘုံရှင်သင်တို့အဖသည် စုံလင်တော်မူသည့်နည်းတူ သင်တို့သည်လည်း စုံလင်ခြင်းရှိကြရမည်။’

ရှင်မဿဲခရစ်ဝင် 5:43-48

_{^{Carl Bloch ၊ PD-US သက်တမ်းကုန်ပြီ ၊ Wikimedia Commons မှတဆင့်}}

သြဇာအာဏာ၏ လက္ခဏာတို့နှင့် ပြည့်စုံသော တော်ပေါ်တရားတော်

ယေရှုက ဤသို့ သွန်သင်ခဲ့သည် – “ထိုစကားကို သင်တို့ကြားရပြီ ။… ဒါပေမဲ့ ငါထပ်မံပြောကြားမယ် … ”။ ဤဖွဲ့စည်းပုံတွင် သူသည် မောရှေ၏စကားကို ဦးဆုံးကိုးကားပြီးနောက် မိန့်မှာချက်၏အတိုင်းအတာကို လူတို့၏ အတွင်းစိတ်ရင်းများ၊ အတွေးအခေါ်များနှင့် စကားများအထိ တိုးချဲ့ခြုံငုံစေခဲ့သည်။ ယေရှုသည် မောရှေ ချမှတ်ခဲ့သော တင်းကျပ် သော ပညတ် များကို သင်ကြားပေးခဲ့သည် အပြင် ယင်းပညတ်တော်များကို လိုက်နာရန် ပိုမို ခက်ခဲ့အောင်ပင် ပြုလုပ်ခဲ့သည်။

သို့သော် မှတ်သားဖွယ်ကောင်းသည်မှာ မောရှေ၏ပညတ်များကို ယေရှုတိုးချဲ့ခဲ့ပုံဖြစ်သည်။ သူ သည် မိမိ ၏ ကိုယ်ပိုင် အခွင့်အာဏာ အပေါ် အခြေခံ ၍ ထိုသို့ တိုးချဲ့ခြင်းကို ပြုလုပ် ခဲ့ သည် ။ သူက ‘ဒါပေမဲ့ ငါထပ်မံပြောကြားမယ်’ လို့ပြောရုံမျှဖြင့် ပညတ်တော်၏ သက်ရောက်မှုအတိုင်းအတာကို တိုးချဲ့ခဲ့သည်။ ဤ ယေရှု၏ အခွင့်အာဏာသည် နားထောင်သူများအတွက် အံ့အားသင့်ဖွယ်ရာပင်ဖြစ်သည်။

‘ဤတရားစကားတို့ကို ယေရှုသွန်သင်တော်မူပြီးသောအခါ လူထုပရိသတ်တို့သည် ကိုယ်တော်၏သွန်သင်ချက်ကို အံ့ဩချီးမွမ်းကြ၏။ အကြောင်းမူကား ကိုယ်တော်သည် သူတို့၏ကျမ်းပြုဆရာများကဲ့သို့မဟုတ်ဘဲ အခွင့်အာဏာရှိသောသူကဲ့သို့ သွန်သင်တော်မူ၏။’

ရှင်မဿဲခရစ်ဝင် 7:28-29

ယေရှု သည် ကြီးမြတ်သော အခွင့်အာဏာရှိသူ တဦးပီပီ သင်ကြားမှုများကို ပြုလုပ်ခဲ့သည်။ ယေရှု၏ သင်ကြားမှုများသည် အစော ပိုင်း ကျမ်းစာ ပရောဖက် များ၏ ဘုရား သခင့် သတင်းစကား များ ကို လူ တို့ ထံ လက်ဆင့်ကမ်းခဲ့ကြပုံနှင့် ကွားခြားသည်။ ယေရှု ဘာ ကြောင့် ဒီ လို သွန်သင်နိုင်သလဲ။ ‘ခရစ်တော်’ ကို ဘွဲ့အမည်အဖြစ် ဦးဆုံးကြိုဟောထားသည့် ဆာလံ ၂ တွင် ဘုရားသခင်သည် ခရစ်တော်အား ဤသို့မိန့်တော်မူကြောင်း ဖော်ပြခဲ့သည်-

‘ငါ့ထံမှတောင်းလော့။ တောင်းလျှင် တိုင်းနိုင်ငံတို့ကို သင်၏အမွေအဖြစ် ငါပေး၍ ကမ္ဘာမြေအစွန်းတိုင်အောင် သင်၏ပိုင်ဆိုင်ရာဖြစ်စေမည်။ ‘

ဆာလံကျမ်း 2:8

ဘုရားသခင်သည် ‘ခရစ်တော်’ အား နိုင်ငံအားလုံးအပေါ် မြေကြီးစွန်းတိုင်အောင် အခွင့်အာဏာပေးခဲ့သည်။ ထို့ကြောင့် ခရစ်တော်တဦးဖြစ်သည့် ယေရှုသည် အခွင့်အာဏာရှိစွာဖြင့် သင်ကြားမှုများကို ပြုလုပ်ခဲ့ခြင်းဖြစ်သည်။

နောက်လာမည့် ပရောဖက်အကြောင်း ရေးသားကြသော မောရှေနှင့် ခရစ်တော်အကြောင်း ရေးသားကြသော ဒါဝိဒ်၏ သခင်ယေရှု ဆက်နွယ်မှု

ပရောဖက် နှင့် တောင်ပေါ်တရားတော်

အမှန်မှာ လွန်လေပြီးသောကာလများကပင် မောရှေသည် သူ၏သွန်သင်ပုံတွင် ထူးခြားသော အခြား ‘ပရောဖက်’ တဦး ကြွလာမည်ဟု ကြိုဟောခဲ့သည်။ မောရှေပြောကြားပုံမှာ-

‘သူတို့၏အမျိုးသားချင်းများထဲမှ သင်နှင့်တူသောပရောဖက်တစ်ပါးကို သူတို့အတွက် ငါပေါ်ထွန်းစေမည်။ သူ့နှုတ်၌ ငါ့စကားများကို သွင်းပေးမည်ဖြစ်၍ ငါမိန့်မှာသောအရာရှိသမျှကို သူတို့အား ဆင့်ဆိုလိမ့်မည်။ ငါ၏နာမဖြင့် ထိုပရောဖက် ဆင့်ဆိုသော ငါ့စကားများကို နားမထောင်သောသူအား ငါစစ်ကြောစီရင်မည်။ ‘

တရားဟောရာကျမ်း 18:18-19

အခွင့်အာဏာရှိစွာ သွန်သင်ခြင်းကိုပြုခဲ့သော ယေရှုသည် ခရစ်တော်အနေဖြင့်လည်း သူ၏အခွင့်အာဏာကို အသုံးပြုခဲ့သောကြောင့် မောရှေ ပရောဖက်ပြုခဲ့သည့် ဘုရားသခင်၏ နှုတ်မြွက်စကားတော်ကဲ့သို့ အာဏာရှိသူ တဦးရောက်လာမည်ဟူသော ဟောကြားချက်ကို ပြည့်စုံစေခဲ့သည်။ တနည်းအားဖြင့် ယေရှုသည် ခရစ်တော်နှင့်ပရောဖက် နှစ်ဦးလုံးအဖြစ် တပြိုင်တည်း ဖြစ်တည်နေခြင်းဖြစ်သည်။

ယေရှုနှင့်မောရှေ

ယေရှုသည် သူ၏တောင်ပေါ်တရားတော်ကို မောရှ၏ သင်ကြားချက်များနှင့် နှိုင်းယှဥ်စေသလို ကွဲလည်းကွဲပြားစေလိုသည်။ ဤအချက်ကို ယေရှု တရားဟောခဲ့သည့် ဟန်ပန်အား သုံးသပ်ကြည့်ခြင်းဖြင့် သိနိုင်သည်။ တရားတော်ကို ပေးရန် ယေရှုသည်-

‘ယေရှုသည် လူထုပရိသတ်များကိုမြင်သောအခါ တောင်ပေါ်သို့တက်၍ ထိုင်တော်မူလျှင် တပည့်တော်တို့သည် အထံတော်သို့ချဉ်းကပ်လာကြ၏။ ‘

ရှင်မဿဲခရစ်ဝင် 5:1

_{^{Gustave Doré ၊ PD-US သက်တမ်းကုန်ပြီ ၊ Wikimedia Commons မှတဆင့်}}

ယေရှု ဘာကြောင့် တောင်ပေါ် တက်ခဲ့တာလဲ ။ ဒီနေရာမှာ ပညတ်တော်ဆယ်ပါးကို လက်ခံရရှိဖို့ မောရှေ ဘာလုပ်ခဲ့တယ်ဆိုတာကိုလည်း သတိပြုဖို့လိုပါသည်။

‘ထာဝရဘုရားသည် သိနာတောင်ထိပ်သို့ ကြွဆင်းတော်မူပြီး မောရှေအား တောင်ထိပ်သို့တက်ရန် ခေါ်တော်မူသဖြင့် မောရှေသည် တက်သွားလေ၏။ ‘

ထွက်မြောက်ရာကျမ်း 19:20

မောရှေသည် ပညတ်တော်ဆယ်ပါးကိုခံယူရန် တောင်ပေါ်သို့ “တက်” ခဲ့သည်။ ထိုနည်းတူ ယေရှုသည်လည်း တရားတော်မဟော်မီ တောင်ကို “တက်” ရောက်ခဲ့သည်။ ထိုကဲ့သို့ တူညီမှုသည် ကျမ်းစားဟောင်းပါ လာမည့် ပရောဖက်၏ လက္ခဏာများနှင့် ကိုက်ညီမှုရှိနေတော့သည် –

‘သူတို့၏အမျိုးသားချင်းများထဲမှ သင်နှင့်တူသောပရောဖက်တစ်ပါးကို သူတို့အတွက် ငါပေါ်ထွန်းစေမည်။ သူ့နှုတ်၌ ငါ့စကားများကို သွင်းပေးမည်ဖြစ်၍ ငါမိန့်မှာသောအရာရှိသမျှကို သူတို့အား ဆင့်ဆိုလိမ့်မည်။ ‘

တရားဟောရာကျမ်း 18:18

ပရောဖက်သည် မောရှေကဲ့သို့ဖြစ်ရမည်၊ ထို့ကြောင့် ယေရှုလည်း မောရှေကဲ့သို့ပင် တရားတော်မဟော်မီ တောင်ပေါ်သို့ တက်ရောက်ခဲ့ခြင်းဖြစ်သည်။

ညီညွှတ်ကာ စည်းလုံးတော်မူသော ဘုရားသခင်၏ အစီအစဉ်

အထက်ဖော်ပြပါ ယေရှုနှင့်မောရှကြား ဆင်တူမှုများသည် အနှစ်တစ်ထောင်ကျော်အထိ ဘုရားသခင်၏ အစီအစဥ်သည် အတွေးအခေါ်နှင့် ရည်ရွယ်ချက်တွင် စည်းလုံးမှုရှိကြောင်း ဖော်ပြသည်။ ဤမျှကြာမြင့်သောအချိန်ကာလတွင် ဘုရားသခင်၏ အလိုတစ်ခုတည်းသာ ကြာရှည်နိုင်ပြီး ထိုကဲ့သို့ကြာရှည်မှုကပင် အစီအစဥ်သည် ကိုယ်တော်၏ အလိုတော်ဖြစ်ကြောင်း သက်သေပြနေတော့သည်။ အဘယ့်ကြောင့်ဆိုသော လူ များ ထံမှ အစပြု သော အစီအစဉ်များသည် အခြားလူများပြုလုပ်သော အစီအစဥ်များနှင့် ဆန့်ကျင်ဘက်ဖြစ်ကာ ပြသာနာဖြစ်မြဲ ဖြစ်သောကြောင့်ဖြစ်သည်။ ဥပမာ တခုနှင့်တခု သို့မဟုတ် တဦးနှင့်တဦး ဆန့်ကျင် သော နိုင်ငံရေး နှင့် စီးပွားရေးဆိုင်ရာ အစီအစဉ် များ စွာ ကို ကြည့် ပါ ။ သို့ရာတွင် လူတို့၏ စီစဥ်မှုနှင့် ဆန့်ကျင်စွာ ကိုယ်တော်၏ အစီအစဥ်မှာမူ သမိုင်းတစ်လျှောက် စည်းလုံးမှုနှင့် ညီညွတ်မှုကို ပြသနေပေသည်။

ကျွန်ုပ်တို့အတွက် ခေတ်သစ်တစ်ခုကို အစပြုခြင်း

ယေရှု နှင့် မော ရှေ သည် တောင် ပေါ် တက် ရာတွင် တစ် ဦး ကို တစ် ဦး ပုံသက်သေ ပြ ကြ သော်လည်း သူတို့၏ သွန်သင်ချက်များကို လက်ခံခဲ့ကြသောသူများ၏ အဖြစ်မှာမူ တူညီမှု မရှိခဲ့ကြပေ။ ယေရှု သည် တောင်ပေါ်တွင် ထိုင် ၍ သွန်သင် သောအခါ သူနှင့် နီးကပ်စေရန် တပည့် များကိုလည်း တောင်ပေါ်သို့ တက်စေခဲ့သည်။ သို့သော် မောရှေ သည် ပညတ်တော်ဆယ် ပါး ကို လက်ခံ ရရှိသောအခါတွင် –

‘ထာဝရဘုရားက မောရှေအား “သင်သည် ဆင်းသွား၍ လူတို့ကိုသတိပေးလော့။ သို့မဟုတ်လျှင် သူတို့သည် ထာဝရဘုရားကို ဖူးမြင်ရန် စည်းကိုကျော်ဝင်ကြသဖြင့် များစွာသောသူတို့သည် သေကျေပျက်စီးကြလိမ့်မည်။ ထာဝရဘုရားထံသို့ ချဉ်းကပ်သောယဇ်ပုရောဟိတ်တို့သည်လည်း မိမိကိုယ်မိမိ သန့်ရှင်းစေရမည်။ သို့မဟုတ်လျှင် ထာဝရဘုရားသည် သူတို့ကိုဒဏ်ခတ်တော်မူလိမ့်မည်”ဟု မိန့်တော်မူ၏။ ‘

ထွက်မြောက်ရာကျမ်း 19:21-22

မောရှကာလမှာ ပညတ်တော်ဆယ်ပါးကို လက်ခံရတဲ့သူတွေဟာ သေမှာကို ကြောက်ရွံ့ကြတဲ့အတွက် တောင်နားကို မသွားနိုင်ပေမဲ့ ယေရှုသွန်သင်တဲ့အချိန်မှာ ယေရှုရဲ့နောက်လိုက်တွေက တောင်ပေါ်မှာ ကိုယ်တော်နဲ့အတူထိုင်နိုင်ပါတယ်။ ယင်းအချက်က ဘုရားသခင်နှင့်ဝေးကွာနေမည့်အစား နီးကပ်စွာ နေနိုင်ခြင်းဖြင့် ထူးခြားသော ခေတ်သစ်တစ်ခု စတင်လာကြောင်း ဖော်ပြခြင်းပင် ဖြစ်သည်။ ဓမ္မသစ်ကျမ်းက ထိုအကြောင်းအရာနှင့် ပတ်သတ်၍ ရှင်းပြသည်မှာ-

‘ဤသို့ဖြင့် ငါတို့နှစ်မျိုးစလုံးသည် ဝိညာဉ်တော်တစ်ပါးတည်း၌ ခမည်းတော်ထံသို့တိုးဝင်ခွင့်ကို ကိုယ်တော်အားဖြင့်ရရှိကြ၏။ ထို့ကြောင့် သင်တို့သည် လူမျိုးခြားများနှင့်သူစိမ်းဧည့်သည်များမဟုတ်တော့ဘဲ သန့်ရှင်းသူတို့နှင့်တစ်မျိုးသားတည်းဖြစ်ကြပြီး ဘုရားသခင်၏အိမ်သူအိမ်သားများဖြစ်ကြ၏။ ‘

ဧဖက်ဩဝါဒစာ 2:18-19

ကျွန်ုပ်တို့သည် ‘ကိုယ်တော်၏အိမ်သူအိမ်သားများ’ ဖြစ်လာရန် ယခု လမ်းပွင့်ပြီဖြစ်ကြောင်းကို ယေရှုက တပည့်တပန်းများအား တောင်ပေါ်တွင် ပေးထိုင်စေခြင်းဖြင့် ကျွန်ုပ်တို့ကို သိစေခဲ့သည်။

သို့သော် ယေရှု၏ တရားတော်တွင် သူသည် ‘ကိုယ်တော် ၏အိမ်သူအိမ်သားများ’ ထံမှ မည်သည့်အရာများကို မျှော်လင့်ကြောင်းကိုလည်း ထပ်မံရှင်းပြထားသည်။

သင်နှင့်ကျွန်ုပ်သည်လည်း တောင်ပေါ်တရားတော်နဲ့ သက်ဆိုင်ပါတယ်

ဤတရားတော်သည် သင့်ကို စိတ်ရှုပ်ထွေးစေပေမည်။ ကျွန်ုပ်တို့၏ စိတ်နှလုံးနှင့် အတွင်းစိတ်တို့ကိုပါ ရည်ညွှန်းသက်ရောက်သည့် ဤပညတ်များကို မည်သို့ကျင့်သုံးနိုင်မည်နည်း။ ယေရှု ခရစ် ၏ ရည်ရွယ်ချက်ကား အ ဘယ် နည်း ။ သူ၏နိဂုံးစာကြောင်းမှ ဒီအဖြေကို ကျွန်ုပ်တို့တွေ့မြင်နိုင်သည်။

‘သို့ဖြစ်၍ ကောင်းကင်ဘုံရှင်သင်တို့အဖသည် စုံလင်တော်မူသည့်နည်းတူ သင်တို့သည်လည်း စုံလင်ခြင်းရှိကြရမည်။’

ရှင်မဿဲခရစ်ဝင် 5:48

ယင်းနိဂုံးသည် အကြံပြုချက်မဟုတ်ဘဲ အမိန့်တစ်ခုဖြစ်ကြောင်း သတိပြုပါ။ ကျွန်ုပ်တို့ကို ကိုယ်တော်ကဲ့သို့ ပြည့်စုံစေဖို့ ယေရှုကပြောကြားခဲ့ခြင်းဖြစ်သည်။

ဘာကြောင့်လဲ။

အကြောင်းအရင်းမှာ ဘုရားသခင်သည် စုံလင်ပြည်စုံတော်မူပြီး ကျွန်ုပ်တို့သည် သူ၏အိမ်သူအိမ်သားများဖြစ်ကြမည်ဆိုလျှင် မပြည့်စုံနေ၍မရပါ။ မကောင်းမှုထက် ကောင်းမှုကိုပိုလုပ်ရုံဖြင့် လုံလောက်မယ်လို့ ကျွန်တော်တို့ မကြာခဏ တွေးမိတယ်။ ဒါပေမဲ့ အဲဒီလိုဖြစ်မယ်ဆိုရင် ဘုရားသခင်က ကျွန်တော်တို့ကို သူ့ရဲ့အိမ်တော်နဲ့ ပူးပေါင်းခွင့်ပေးလိုက်တဲ့အခါ ကျွန်ုပ်တို့ရဲ့ မကောင်းမှုတွေက အိမ်တော်ရဲ့ ပြည့်စုံမှုကိုထိခိုက်စေကာ ကျွန်တော်တို့ လက်ရှိနေနေတဲ့ လူ့လောကကဲ့သို့ပင် အိမ်တော်ကို ရှုပ်ထွေးပွေလီတဲ့အဖြစ်ကို ရောက်သွားပါစေလိမ့်မယ်။ ယနေ့ကမ္ဘာတွင် ကျွန်ုပ်တို့၏တပ်မက်မှု၊ လောဘကြီးမှု၊ ဒေါသစသည်တို့သည် လောကကို ဖျက်ဆီးနေသော အရာများဖြစ်သည် ။ ကျွန်ုပ်တို့သည် ထိုတပ်မက်မှု၊ လောဘကြီးမှုနှင့် ဒေါသတို့၏ ကျေးကျွန်ဖြစ်နေဆဲအချိန်တွင် ကိုယ်တော်၏အိမ်တော်နှင့် ပူးပေါင်းမည်ဆိုလျှင် ထိုအိမ်တော်သည်လည်း ကျွန်ုပ်တို့လက်ရှိနေထိုင်ရာ ပြဿနာများနှင့်ပြည့်နေသော ဤလောကကဲ့သို့ပဲ လျင်မြန်စွာ ပြောင်းလဲပျက်စီးသွားပါလိမ့်မည်။

အမှန်မှာ ယေရှု၏သွန်သင်ချက်အများစုသည် အပြင်ပန်းအခမ်းအနားထက် ကျွန်ုပ်တို့၏အတွင်းနှလုံးသားကို အာရုံစိုက်စေပါသည်။ ကျွန်ုပ် တို့ ၏ အတွင်းနှလုံးသား ကို ယေရှု မည်မျှအာရုံစိုက်ကြောင်း ဤတွင်ကြည့်ပါ-

‘တစ်ဖန် ကိုယ်တော်က “လူ့အတွင်းမှထွက်လာသောအရာသည် လူကိုညစ်ညူးစေ၏။ အကြောင်းမူကား မကောင်းသောတွေးတောကြံစည်မှုများ၊ တရားနှင့်မညီမေထုန်ပြုခြင်း၊ ခိုးယူခြင်း၊ လူသတ်ခြင်း၊ အိမ်ထောင်ရေးဖောက်ပြန်မှုကိုကျူးလွန်ခြင်း၊ လောဘလွန်ကျူးခြင်း၊ ဆိုးညစ်ခြင်း၊ စဉ်းလဲခြင်း၊ ကာမဂုဏ်လိုက်စားခြင်း၊ မနာလိုခြင်း၊ စော်ကားပြောဆိုခြင်း၊ မာနထောင်လွှားခြင်းနှင့် မိုက်မဲခြင်းတို့သည် လူ၏အတွင်း သူ၏စိတ်နှလုံးထဲမှ ထွက်လာကြ၏။ ဤဆိုးညစ်သောအရာအားလုံးတို့သည် အတွင်းမှထွက်လာ၍ လူကိုညစ်ညူးစေ၏” ဟု မိန့်တော်မူ၏။ ‘

ရှင်မာကုခရစ်ဝင် 7:20-23

ပြည့်စုံသော အိမ်တော်

ပြည့်စုံသော အတွင်းစိတ်စင်ကြယ်မှုသည် ကိုယ်တော်၏မိသားစုအတွက် လိုအပ်သောစံနှုန်းဖြစ်သည်။ ဘုရားသခင်သည် ပြည့်စုံအပြစ်ကင်းသော သူကိုသာ သူ၏ အိမ်ထောင် ထဲသို့ ခွင့်ပြုတော်မူမည်။ သို့သော် ယင်းသည် ကြီးမားသောပြဿနာတစ်ခု ပေါ်ပေါက်စေသည်။

ကျွန်ုပ်တို့သည် မပြည့်စုံပါက ဤအိမ်တော်ကို မည်သို့ဝင်နိုင်မည်နည်း။

ကျွန်ုပ်တို့၏ အပြည့်အဝမပြည့်စုံနိုင်မှုသည် ကျွန်ုပ်တို့ကို စိတ်ပျက်အားလျော့စေနိုင်သည်။

ဒါပေမဲ့ ကိုယ်တော်လိုချင်သောအရာသည် ထိုစိတ်ပျက်မှုဖြစ်သည်။ ကျွန်ုပ်တို့သည် ကျွန်ုပ်တို့ပြုသော ကောင်မှုများက ဘုရားသခင်ကဲ့သို့ ပြည့်စုံမှုဖြစ်စေရန် လုံလောက်မှုမရှိခြင်းကိုသိလျှင် စိတ်ဝိညာဥ်ညှိုးနွမ်းတော့လေသည်။ ယေရှုက ဒီအရာနဲပတ်သတ်ပြီး တရားတော်အစတွင် ယခုကဲ့သို့ ဟောကြားခဲ့သည်-

‘ “စိတ်ဝိညာဉ်ဆင်းရဲနွမ်းပါးသောသူတို့သည် မင်္ဂလာရှိကြ၏။ အကြောင်းမူကား ကောင်းကင်နိုင်ငံတော်သည် သူတို့၏နိုင်ငံဖြစ်၏။ ‘

ရှင်မဿဲခရစ်ဝင် 5:3

ဉာဏ်ပညာ၏ အစ မှာ ကိုယ်တော်၏သွန်သင် ချက်များ ကို ကျွန်ုပ်တို့နှင့် မသက်ဆိုင် ဟု မရှုမြင်ခြင်း ဖြစ်သည် ။ ကိုယ်တော်၏ သွန်သင်ချက်နှင့် စံနှုန်းသည် ‘အလုံးစုံပြည့်စုံမှု’ ဖြစ်သည်။ ထိုစံနှုန်းကို ကျွန်ုပ်တို့ ပြည့်မှီရန် မဖြစ်နိုင်သည်ကို လက်ခံကာ ကိုယ်တိုင်ပြုသည့် ကောင်းကျိုးအပေါ် မှီခိုအားထားမည့်အစား ကိုယ်တော်ပေးလိုသောအကူအညီကိုလက်ခံမှသာ ကိုယ်တော့်၏ စံနှုန်းနှင့် ကိုက်ညီရန် မျှော်လင့်ချက်ရှိမည်ဖြစ်သည်။

အထက်ဖော်ပြပါ ဘုရားရှေ့မှောက် မိမိကိုယ်ကို အပ်နှံခြင်းသည် ကိုယ်တော်၏ သင်ကြားမှု အားလုံးကို နားလည်ရန် အစဖြစ်သည်။ ယေရှုက သူ့သွန်သင်ချက်များ၏ အခွင့်အာဏာရှိပုံနှင့် ပတ်သတ်ပြီး သက်သေပြခဲ့သည်ကို ဒီမှာ ဖတ်ရှုနိုင်ပါတယ်။

မောရှေကဲ့သို့ တောင်ပေါ်တွင် အခွင့်အာဏာရှိစွာ သွန်သင်ခဲ့သော ယေရှု

ဂန္ဒီနှင့် ယေရှု၏တောင်ပေါ်တရားတော်